برامج ألعاب اسلاميات افلام عربى أفلام أجنبى أغانى
 
الرئيسيةالبوابةاليوميةس .و .جبحـثالتسجيلدخول

شاطر | 
 

 °°°•°°°°•.¸° خطوات الخطوبة النموذجية °•.¸¸.°°°•°°

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
samy
Admin


عدد المساهمات : 412
نقاط : 3070
تاريخ التسجيل : 09/04/2010
العمر : 30

مُساهمةموضوع: °°°•°°°°•.¸° خطوات الخطوبة النموذجية °•.¸¸.°°°•°°   الجمعة 4 يونيو 2010 - 1:53

بسم الله

[ندعوك للتسجيل في المنتدى أو التعريف بنفسك لمعاينة هذه الصورة]



بصوا بقى

بناء على طلب الجماهير العريضة

والطويلة والقصيرة والرفيعة

النهاردة هقولكم على الخطوات اللى لازم العريس يتبعها وهو رايح يخطب بعد الشر عنكم

يعنى طبعا زى ما كلنا عارفين الشاب منكم اد ايه ما بيحبش يقدم على الخطوة دى اللى بتجيبله قشعريرة فى جسمه

وسكر وضغط وفقر دم وفقر جيوب

لكن فى ناس بتبقى مضطرة تعمل الخطوة دى واللى يحصل يحصل

وده بيبقى نتيجة لسبب واحد

وهو انه يلاقى والدته طول النهار قاعدة نايمة رايحة جاية

عمالة تعيط وتنهنه وترزعه كلمتين فى العضم من اللى يجيبوا هشاشة عظام

وتقوله" نفسى افرح بيك قبل ما اموت يا ابنى "

" نفسى اشوف عيالك بيجروا حواليا واشيلهم على كتفى "

او انها تكون محتاجة واحدة تشيل وتحط وتنضف وتطبخ ببلاش

وتقوله"نفسى تجيبلى عروسة بنت حلال وتشيل عنى بقى وتريحنى من قرفك "


[ندعوك للتسجيل في المنتدى أو التعريف بنفسك لمعاينة هذه الصورة]


فى الحالة دى بس بيضطر الابن يتنازل عن حريته
ويضحى علشان الام تعيش


وبينتحر وامره الى الله



[ندعوك للتسجيل في المنتدى أو التعريف بنفسك لمعاينة هذه الصورة]


ويقول لامه من غير نفس

شوفلنا واحدة تعيش

وابقى اعملى فيها اللى انتى عايزاه

وربنا يقدرنا على فعل الخير

النهاردة بقى اليوم اللى هتروح فيه مع ماما علشان تتخطب

اقصد تخطب

حاول تعتمد على نفسك وتطلع هدومك بنفسك وتوفق الالوان مع بعض

من غير كل شوية ما تنادى على ماما وتعلها اكتر ما هى معلولة منك

وحاول انك تبعد عن لبس البدل والقمصان والكرفتات

والبس الهدوم النيو لوك اللى بنات اليومين دول بتتهوس بيها


[ندعوك للتسجيل في المنتدى أو التعريف بنفسك لمعاينة هذه الصورة]


يعنى مثلا شورت وفانلة مقطعة

او فانلة عليها رسومات ميكى ماوس وقطط وكلاب

يعنى ده دليل على انك شخصية ليفة


" اقصد أليفة "


وابعد خالص مالص


عن الشرابات والجزم الحاجات دى


[ندعوك للتسجيل في المنتدى أو التعريف بنفسك لمعاينة هذه الصورة]


بقت موضة بريحة

بتطلع روايح مش مستحبة


[ندعوك للتسجيل في المنتدى أو التعريف بنفسك لمعاينة هذه الصورة]


حاول تلبس صندل بتاع الناس اللى بيبيعوا عرقسوس


[ندعوك للتسجيل في المنتدى أو التعريف بنفسك لمعاينة هذه الصورة]


او سليبر وده اسم الدلع

واياك وان
تحذير هام انتبه

" السليبر يرجع الى الخلف" يا سلام لو كان بينور تبقى ايه

منتهى الشياكة


[ندعوك للتسجيل في المنتدى أو التعريف بنفسك لمعاينة هذه الصورة]


وكده هتبقى راجل شيك بس من غير رصيد

كمان ما ننساش الشعر

يضرب فى الخلاط

شوية جلة على حبة صابون غسيل على كيسين كلور الوان وشوف النتيجة


[ندعوك للتسجيل في المنتدى أو التعريف بنفسك لمعاينة هذه الصورة]


هتلاقيه زلبطة ناصعة البياض

ايون الزلبطة اليومين دول موضة

الشعر موضة قديمة واللى عنده شعر

يا ياخده موس زيرو


[ندعوك للتسجيل في المنتدى أو التعريف بنفسك لمعاينة هذه الصورة]


يا يحط شوية جاز على حبة اوكسجين ويولع

خلصنا من الشعر وبقينا تمام نلبسحظاظة

ولو معندناش نجيب حتة قماش من بتوع المطبخ

ناخد منها حتة ونربطها على ايدينا تبقى حظاظة

نحط بقى كولونيا خمس خمسات

وكده نبقى بقينا عال العال

وتخرج تاخد ست الحبايب انججيه ( يعنى ايد فى ايد )

وعلى بيت العروسة عدل

اول ما تلاقى ابو العروسة تسلم

وكلك ثقة واستعمل الفاظ اليومين دول

اللى بتخلى البنات تقول ان الشاب ده ،، استايل وابن ناس

يعنى" هالو اونكل" ،، "هالو تنت"


"هاو ،، ار ،، يوووووه عليكم وعلى ريحتكم"


كده يعنى وبلاش سلام المعلم طربقها وشغل الجزراين ده

ساء الخير يا مودام
ساء الخير يا عمى
" دستور يا اهل الدار"
نورت

لحسن يتصدموا ويفتكروا انك عليك عفريت ولا حاجة

ادخل برجلك الشمال

لان اليمين بطلت وبقت" اولد فاشون "

الشمال بتاعة السليبر ،، اما اليمين بتاعة البولغ والبنص


[ندعوك للتسجيل في المنتدى أو التعريف بنفسك لمعاينة هذه الصورة]


اول ما تقعد تحاول تقعد قعدة جديدة بلاش ام رجل على رجل دى

أحسن العروسة تقول عليك من ايام عبد الوهاب والابيض واسود

غير ،،

احنا بقينا فى عصر ال" L C D" ابو سبعة وتلاتين بوصة

تجنب الوشوشة كل شوية مع الست مامتك

علشان ما يقولوش ابن امه


[ندعوك للتسجيل في المنتدى أو التعريف بنفسك لمعاينة هذه الصورة]

وبلاش فى كل حاجة يقولها ابو العروسة تبص لمامتك وتغمزلها

اتكلم انت وخليك جرىء

حتى لو مامتك معجبهاش الكلام

براحتك ،،، وابقى اترزع فى البيت عادى دى ماما

المهم يبان ان عندك شخصية ،، معملية مستفزة اقصد "فزة"

واول ما تلاقى العروسة خارجة بصينية المشروبات

بلاش تبحلقلها وبص فى الارض

عارفين انك بجح وعينك يدب فيها 60000 رصاصة

بس معلش تعالى على نفسك

ولم عينك وبحلق فى السقف

[ندعوك للتسجيل في المنتدى أو التعريف بنفسك لمعاينة هذه الصورة]

واعمل خجول بدل ما العروسة ،، تتلخم وتوقع الصينية عليك

وتبوظلك الطقم او يقوم ابوها يلكملك

[ندعوك للتسجيل في المنتدى أو التعريف بنفسك لمعاينة هذه الصورة]

كمان مش عايزين طفاسة

ولا عايزين طقم الاسنان يبان خالص


[ندعوك للتسجيل في المنتدى أو التعريف بنفسك لمعاينة هذه الصورة]


يعنى هما شفطتين عصير وبس

ولو كان فيه جاتوه او اى حاجة حلوة

سيب الطبق مكانه واكبح مشاعرك الطفسية والمطبخية دلوقتى

وبلاش تمسح الاطباق مسح

علشان ميقولوش عليك مفجوع ومشفتش الحاجات دى فى بيتكم

لازم تبين ان عينك مليانة

اول ما ابو العروسة يبتدى كلامه بجملة

( نيجى للمهم )

تعرف علطول انه هيبتدى الامتحان

ولازم تركز وتجاوب بتقدير جيد مع مرتبة وملل الشرف

ومش اى مرتبة مرتبة اسفنج مش تنجيد

( الشبكة )

اول ما تسمع الكلمة دى

ما تفتكرش شبكة الصيد

لا هو يقصد شبكة للقرش اللى هيجوزهالك

يعنى الدبل والمحبس والحنفية اللى هتفضل تنقط وتخر على نفوخك ومش هتلاقى جلدة تسد بقها بيها


[ندعوك للتسجيل في المنتدى أو التعريف بنفسك لمعاينة هذه الصورة]

ابعد عن الاجابة بتاعت

انا تحت امركم

لحسن ساعتها هتسمع انواع من المعادن غريبة

وعمرها ما مرت على ودنك

زى الالماظ ،، والسولتير

[ندعوك للتسجيل في المنتدى أو التعريف بنفسك لمعاينة هذه الصورة]

ساعتها

ما توافقش وافتكر زمان ايام الشبكة اللى كانت طقم حلل نحاس

وقلهم مفيش داعى للمصاريف

الشبكة دى هدية من العريس للعروسة بقيمتها

وطبعا انت عارف قيمتها

عندك اد ايه

وكل واحد وتقديره

نيجى ( للشقة )

تسمع ابراج ،، فيلل ،، شقة بجنينه

اعمل فيها عبيط وطنش

وقلهم عندى شقة بمنافعها

اوضتين ،، وصالة ،، وعفشة ميه

يعنى هما هينهبوا

اهو على الاقل انت هتبقى طورت" نظرية" عش العصفورة

( العربية )

اول ما يسالوك على العربية

قلهم ناوى ادخل جمعية بنفرين واقبض الاخر

واشترى واحدة بالقسط 27 او سيات

ولو مش عاجبهم

يبقوا يركبوها تاكسى على حسابهم

واتحجج ان البلد بقت زحمة ومفيش اكتر من المواصلات والعربيات الكارو

( الفرح )

هنعمله فين ؟؟

قلهم السطوح عندنا كبير ويساع بدل من الواحد الف

حاسسهم انهم هيعملوا فرح بنتهم فى "الاستاد"

ولو ام العروسة اتحشرت وقالتلك

بنتى لازم يتعملها فرح فى دار ،، او فندق ،، او نادى

ولا كانها الاميرة ديانا

قلها بس طلبك عندى


" مركز الشباب اللى جنب بيتكم "


وكام لمبة على كام كرسى بقى فرح


ولو اتكلمت قلها ان المنظرة ملهاش داعى


واول ما تلاقى ابو العروسة بيرفع ايده وبيقول سمعونا زغروطة


[ندعوك للتسجيل في المنتدى أو التعريف بنفسك لمعاينة هذه الصورة]

تعرف انك عريس لقطة وقعتلهم من السماء


وساعتها بص للعروسة واعمل فيها توم كروز


[ندعوك للتسجيل في المنتدى أو التعريف بنفسك لمعاينة هذه الصورة]


توم ،، مش بصل كروز


ولو انها يا حسرة عليها ( بصل ،، توم ) .. هتعيط يعنى هتعيط

وابقوا اعزمونى فى الفرح انا بس

احسان لا شــــــــــــــــــفقة

***********************************************
ههههههههههههههههههههه
الرجوع الى أعلى الصفحة اذهب الى الأسفل
mistermando
Admin


عدد المساهمات : 339
نقاط : 3135
تاريخ التسجيل : 12/01/2010
العمر : 29

مُساهمةموضوع: رد: °°°•°°°°•.¸° خطوات الخطوبة النموذجية °•.¸¸.°°°•°°   الجمعة 4 يونيو 2010 - 11:05

هههههههههههه موضع يجذب فلا

ــــــــــــــــــــــــــــــــــــــــــــ
أخوكم (مستر ماندو)

[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://mistermando.yoo7.com
samy
Admin


عدد المساهمات : 412
نقاط : 3070
تاريخ التسجيل : 09/04/2010
العمر : 30

مُساهمةموضوع: رد: °°°•°°°°•.¸° خطوات الخطوبة النموذجية °•.¸¸.°°°•°°   الأحد 6 يونيو 2010 - 23:00

منور الموضوع واللهى يا محمد

ــــــــــــــــــــــــــــــــــــــــــــ
[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ملكة الحركات



عدد المساهمات : 550
نقاط : 2953
تاريخ التسجيل : 30/05/2010
العمر : 21

مُساهمةموضوع: رد: °°°•°°°°•.¸° خطوات الخطوبة النموذجية °•.¸¸.°°°•°°   الجمعة 11 يونيو 2010 - 18:38

الموضوع حلو بس الامور مش توصل للدرجاتى
الرجوع الى أعلى الصفحة اذهب الى الأسفل
semsem_s2008
Admin


عدد المساهمات : 902
نقاط : 3613
تاريخ التسجيل : 21/04/2010
العمر : 23

مُساهمةموضوع: رد: °°°•°°°°•.¸° خطوات الخطوبة النموذجية °•.¸¸.°°°•°°   الجمعة 11 فبراير 2011 - 3:23

أنا بصراحه إستمتعت بالموضوع تسلم إيدك يا سامى

ــــــــــــــــــــــــــــــــــــــــــــ
OSAMA



[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
°°°•°°°°•.¸° خطوات الخطوبة النموذجية °•.¸¸.°°°•°°
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» مسجات روعه وفوق روعه |؛¤ّ,¸¸,ّ¤؛|
» *·~-.¸¸,.-~*عاشق الحب الحزين*·~-.¸¸,.-~*
» ؛¤ّ,¸¸,ّ¤؛°`°؛¤ مسجات حزينه جدا ¤؛°`°؛¤ّ,¸¸,ّ¤؛
» *·~-.¸¸,.-~* *·~-.¸¸,.-~*بـــــاخــتــصـــار *·~-.¸¸,.-~**·~-.¸¸,.-~*
» `·.¸¸.·¯`··._.· (أحبك يا رسول الله) `·.¸¸.·¯`··._.·

صلاحيات هذا المنتدى:لاتستطيع الرد على المواضيع في هذا المنتدى
مستر ماندو للكمبيوتر والإنترنت :: النكت والفوازير ومقاطع كليبات مضحكة :: منتدى النكت والافيهات-
انتقل الى: