| مقارنة بين كمبيوتر الولاد وكمبيوتر البنات | |
|
+5الماسة الحساسة الريق samy mistermando hanna montanna 9 مشترك |
كاتب الموضوع | رسالة |
---|
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: مقارنة بين كمبيوتر الولاد وكمبيوتر البنات السبت 29 مايو 2010 - 23:04 | |
| أولا اجهزة البنات
من النظرة الاولى من بعيد للشكل العام للجهاز
تلاقى الجهاز نضيف ومرتب وحواليه دباديب او عرايس او لعبها وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهاز تلاقى صوت نغمة رقيقة مع فتح الجهاز وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة زى
صور اطفال
صور فساتين
صور موضة
افلام رومانسية
اغانى عاطفية
تفتح الهيستورى بتاع الجهاز تلاقيها كانت مشغلة حجات زى
فيلم تيتانيك
مواقع نكت
مواقع موضة
اغنية تملى معاك
اغنية بهواك
مواقف كوميدية
تفتح الميل بتاعها تلاقيها حاطة نك نيم رقيق زى
بنوتة شقية
دلع
حبوبة
حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرتش
تيجى تشم ريحه الجهاز تلاقى رحتة برفان جميل
فلاشه البنت نضيفه ورحتها حلو وبالغطا بتعها وفى علبتها
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة والجهاز بيقفل
نخش على اجهزة التماسيح
من النظرة الاولى للجهاز ووضعه من بعيد تحس انك داخل على حاجة شبة التوكتوك الى عامل حادثة ومطلعينه من ترعة
تلاقى الكيسه مفتحة من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز
وتلاقى الهارد متعلق زى الدبيحه من السلك بتاعه ومتعرفش ليه
وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحده
الشاشة ممكن متلاقيش قعدتها اصلا
وممكن متلاقيش غطاء الشاشة الخلفى برضو كنوع من انواع التهوية
ولسعات سجاير وطفاية فى كل حته من الجهاز
وتلاقى الكى بورد سلكها ملحم فى بعضه وزرار الانتر وبعض الازرار المهمة غالبا مش هتلاقيها
وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة المفروض بتوصل سلكتين تلمسهم فى بعض عشان الجهاز يشتغل زى عربيات مكروباص الترامكو
يجى الجهاز يشتغل تسمع صوت كركرة غريب واصوات تانية شبيهه بالطرقعة المكتومة
تعدى كل ده وتبتدى الويندوز تفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية اللى جاية من عالم غريب
تدخل تقلب فى الملفات تلاقى اسماء الملفات غريبة وعجيبة
حشحش
دحدح
بتنجانة
صور معيز
صور حوادث
مصارعة
و 70% من الملفات هتلاقيها تحت سلسلة اسماء
New Folder11
New Folder12
New Folder13
New Folder14
الى ما لا نهاية
تفتح الهيستورى بتاعه تلاقى اخر حجات شغلها زى
ساو 3
ديد سيلنت
اغنية البلح البلح
صور مصارعين
كليب بوس الواوا
اسماء مواقع تخاف اصلا تخشها
نكت حشاشين
تفتح الميل بتاعه تلاقيه حاطط نك نيم يرعب البنات
الشيطان 10
البجح
سفاح المعيز
المحشش
كمبورة
عاشق الموت
لو دققت فى تاريخ تسطيب الويندوز ممكن تلاقيه مسطبها قبل متيجى بساعتين
طبعا ريحه الجهاز هتلاقيها شبة متور العربية المحروق
ولما يجى يطفى الجهاز لو فاتح ايه ميقفلهمش واحده واحده لا بيشد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شت داون
كمان لو فى فلاشه يا لهوى
اما فلاشه الشباب
طالع عينها مكسوره ومن غير غطا اصلان وتحس ان قطار معدى عليه ومفرومه
لا وكمان الاغانى تحس اول ما تشغلها ان انت فى ميكروباس او مولد المصدر
بس من غير زعل يا جماعه
عدل سابقا من قبل hanna montanna في الثلاثاء 1 يونيو 2010 - 0:47 عدل 2 مرات | |
|
| |
mistermando Admin
عدد المساهمات : 339 نقاط : 5836 تاريخ التسجيل : 12/01/2010 العمر : 36
| موضوع: رد: مقارنة بين كمبيوتر الولاد وكمبيوتر البنات الأحد 30 مايو 2010 - 15:06 | |
| إنتي خليتي فيها من غير زعل أنا عن نفسي مش زعلت بس اتفرجي بقة على الأعضاء (التماسيح) هما اللى الله أعلم هيزعلو ولا لا بس بصراحة موضوع ممتاز بس أنا عندي تعليق إن الموضوع ده بيختلف من انسان لآخر يعني الانسان المرتب الكويس هتلاقي حاجته كويسة سواء ولد أو بنت وهتلاقي برده بنات حاجتها للأسف مش مرتبة وبتسمع أغاني شعبي وكله وهتلاقي برده أولاد حاجتهم مرتبة وبيسمعوا لام كلثوم وعبد الحليم والهيستوري اللى انا مش عارف أساسا عرفتيه ازاي هيكون مليان حاجات لطيفة وكويسة فأنا بقولك الحاجات دي بتختلف من انسان لآخر وبعدين أقولك على حاجة بقة أنا زعلت جامد وهقوم أسيب الكمبيوتر وأمشي [ندعوك للتسجيل في المنتدى أو التعريف بنفسك لمعاينة هذه الصورة] (ملحوظة) ماتصدقيش أنا بهزر تسلمي على الموضوع الجامد ده فعلا موضوع أعتقد إنه كل الأعضاء هيردوا عليه بس كنتي خلي العنوان جذاب عن كده شوية تسلم إيديكي . | |
|
| |
samy Admin
عدد المساهمات : 412 نقاط : 5771 تاريخ التسجيل : 09/04/2010 العمر : 37
| موضوع: رد: مقارنة بين كمبيوتر الولاد وكمبيوتر البنات الجمعة 11 يونيو 2010 - 1:47 | |
| شكرا يا هنا احنا كده هنبتدى المعركه انا واحد من التماسيح ويريت بلاش الكلام ده على الاولاد لانى زى مافى اولاد كده فى بنات برده كده مش البنات كلها مليكه واحنا شيطين احلا كلام تقوله البنت احنا غلابه جدا ولاولاد هما الى بيتحكوا علينه بس لو دورتى هتلاقى انى الواد ده خد بطار عشرين شاب البنت دى دحكت عليهم المفهوم من الكلام انى زى مافى شباب تماسيح فى بنات اكثر من التماسيح وارجع واقول موضوعك جميل جدا ومفيض ويارب ديما فى تميز وادينه بنتعلم من المواضيع | |
|
| |
الريق
عدد المساهمات : 230 نقاط : 5404 تاريخ التسجيل : 09/05/2010 العمر : 37
| موضوع: رد: مقارنة بين كمبيوتر الولاد وكمبيوتر البنات الجمعة 11 يونيو 2010 - 20:23 | |
| بصراحه انا يزدنى شرف انى اكون التمساح الثانى مع سامى بس اسف ياهنا على الطريقه البلدى الى هكلم بيها كان فى مثل قديم بيقول صوابع الايد مش زي بعضها زى مافى بنات مليكا فى شباب مليكا زىماالشباب تمسيح فى بردك بنات عقارب وملوش لزما باقى الكلام وشكرا ياهنا الموضوع بجدمفرح | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات السبت 12 يونيو 2010 - 16:19 | |
| منور يا سامى واسدنى مرورك بس غلى فكره البنات كلهم ملايكه والولاد مفتريين هههههههههه بس طبعا من غير زعل يا جماعه | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات السبت 12 يونيو 2010 - 16:21 | |
| منور يا ريق واسعدنى اشتراكك الجميل | |
|
| |
الماسة الحساسة
عدد المساهمات : 302 نقاط : 5472 تاريخ التسجيل : 18/05/2010
| موضوع: رد: مقارنة بين كمبيوتر الولاد وكمبيوتر البنات السبت 12 يونيو 2010 - 17:04 | |
| ايه يا جماعه الموضوع عادى يعنى مش كان يستدعى ده كله
معركة ايه ياسامى اللى انت عايز تبداها على فكره هتخسروا واحنا اللى هنكسب ههههههه من غير اى شك ههههه
عندى بس حبة تعليقات - اقتباس :
- احلا كلام تقوله البنت احنا غلابه جدا ولاولاد هما الى بيتحكوا علينه بس لو دورتى هتلاقى انى الواد ده خد بطار عشرين شاب البنت دى دحكت عليهم
معلش ياسامى وهى البنت قدام الولد ايه اكيد غلبانه يعنى احنا بنسمع البنت ضحكت على الولد ولا الولد ضحك على البنت وبعدين انت اما بتسمع ان الولد ضحك على البنت هتكون سمعتها اكتر من انك تسمع ان البنت هى اللى ضحكت على الولد ومتهايقلى كده مش فى طار الولد يخدو من البنت - اقتباس :
- المفهوم من الكلام انى زى مافى شباب تماسيح فى بنات اكثر من التماسيح
طيب معلش هو انت لو جبت ولد مرتب وبنت مرتبه هيكون الولد زى البنت اكيد لأ لان عمر مكان الولد جنب البنت فى الاسلوب المميز ولو جبت ولد مش مرتب وبنت برده مش مرتبه ممكن يبقوا زى بعض
لسه برده عايز تبدا المعركه | |
|
| |
الماسة الحساسة
عدد المساهمات : 302 نقاط : 5472 تاريخ التسجيل : 18/05/2010
| موضوع: رد: مقارنة بين كمبيوتر الولاد وكمبيوتر البنات السبت 12 يونيو 2010 - 17:26 | |
| - اقتباس :
- بصراحه انا يزدنى شرف انى اكون التمساح الثانى مع سامى
ايه ياريق انت واخد الموضوع جد كده ليه الموضوع بس قصده انك تضحك يعنى وبعدين احنا هنا اخوات لو حضرتك زعلان ياريت مش تزعل الموضوع بس لضحك مش اكتر
انت دخلت علينا جامد حبه وردك على فكره جامد جدااااا لو حضرتك على الاقل وزنت الامور كان على الاقل هيكون احسن - اقتباس :
- زى مافى بنات مليكا فى شباب
مليكا زىماالشباب تمسيح فى بردك بنات عقارب
حضرتك قولت زى مافى بنات مليكه فى شباب مليكه ورجعت قولت زى مافى شباب تماسيح فى بنات عقارب انت ساويت جنس الشباب بلافضل يعنى مليكه وجيت الى جنس البنات اما جيت تساويه بيكوا فى الاسوء ساويته غلط
مع احترامى ليك يا ريق وارجو ان ردى مش يزعل حضرتك ولا اى عضو فى المنتدى | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الجمعة 18 يونيو 2010 - 21:41 | |
| ايه يا جماعه انتوا هتضربوا بعض ولا ايه ههههههههههههههه انا غلطانه انى نزلت الموضوع ده منورين يا جماعه المنتدى كله | |
|
| |
samy Admin
عدد المساهمات : 412 نقاط : 5771 تاريخ التسجيل : 09/04/2010 العمر : 37
| موضوع: رد: مقارنة بين كمبيوتر الولاد وكمبيوتر البنات الجمعة 25 يونيو 2010 - 2:35 | |
| | |
|
| |
semsem_s2008 Admin
عدد المساهمات : 902 نقاط : 6314 تاريخ التسجيل : 21/04/2010 العمر : 30
| موضوع: رد: مقارنة بين كمبيوتر الولاد وكمبيوتر البنات الجمعة 2 يوليو 2010 - 22:33 | |
| خلاص يا جماعه ده موضوع هايف ميستاهلش الموضوع ده للترفيه وبس مش للمشاكل | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات السبت 3 يوليو 2010 - 15:25 | |
| يلا خلوها تولع هههههههههههههههههه انا عاوزه ضرب نار ههههههههههههه | |
|
| |
الماسة الحساسة
عدد المساهمات : 302 نقاط : 5472 تاريخ التسجيل : 18/05/2010
| موضوع: رد: مقارنة بين كمبيوتر الولاد وكمبيوتر البنات السبت 3 يوليو 2010 - 21:43 | |
| سامى ريق بجدانا اسفه جداا واسفه كمان لأى عضو اتنرفز من كلامى بس انتوا اصلا كلامكوا كان جامد اوى
وطبعا لأنى الصغيره بعتذر ليكوا انا اسفه جداااااا
ياريت مش حد يكون لسه زعلان
بس برده انا بقولك يا سامى لو عايز تبدء معركه بين الولاد والبنات احنا اللى هنكسب هههههههه | |
|
| |
semsem_s2008 Admin
عدد المساهمات : 902 نقاط : 6314 تاريخ التسجيل : 21/04/2010 العمر : 30
| موضوع: رد: مقارنة بين كمبيوتر الولاد وكمبيوتر البنات السبت 3 يوليو 2010 - 21:57 | |
| على طول كده تحطى بنزين على النار يا هانا مفيش مره تبقى هادى فيها شويه | |
|
| |
الماسة الحساسة
عدد المساهمات : 302 نقاط : 5472 تاريخ التسجيل : 18/05/2010
| موضوع: رد: مقارنة بين كمبيوتر الولاد وكمبيوتر البنات السبت 3 يوليو 2010 - 22:37 | |
| - اقتباس :
- يلا خلوها تولع هههههههههههههههههه
انا عاوزه ضرب نار
ههههههههههههه اسكتى احسنلك والله شكلى انا اللى هاجى أولع فيكى ههههههههههه | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الخميس 15 يوليو 2010 - 1:01 | |
| ايه ده انتى بتتكلموا عنى ليه يا جماعه دا انا طيبه وهااااااااااااااديه جد منورين يا سمسموماسه واسعدنى اشتراككم الرائع | |
|
| |
ملكة الحركات
عدد المساهمات : 550 نقاط : 5654 تاريخ التسجيل : 30/05/2010 العمر : 28
| موضوع: رد: مقارنة بين كمبيوتر الولاد وكمبيوتر البنات السبت 17 يوليو 2010 - 16:22 | |
| انا متفقة معاكى يا هانا فى الموضوع لان معظم الاولاد مش منظمين بس برده فى بنات كتير مش منظمين ب الموضوع جميل جدا تسلمى | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الخميس 22 يوليو 2010 - 14:00 | |
| منوره يا ملكه واسعدنى مرورك العطر | |
|
| |
aquamarine
عدد المساهمات : 86 نقاط : 5234 تاريخ التسجيل : 20/04/2010
| موضوع: رد: مقارنة بين كمبيوتر الولاد وكمبيوتر البنات الثلاثاء 27 يوليو 2010 - 11:22 | |
| والله معاكى حق في كل الى قلتيه تسلم اديكى يا جميل | |
|
| |
aquamarine
عدد المساهمات : 86 نقاط : 5234 تاريخ التسجيل : 20/04/2010
| موضوع: رد: مقارنة بين كمبيوتر الولاد وكمبيوتر البنات الثلاثاء 27 يوليو 2010 - 11:23 | |
| والله معاكى حق في كل الى قلتيه تسلم اديكى يا جميل | |
|
| |
ملكة الحركات
عدد المساهمات : 550 نقاط : 5654 تاريخ التسجيل : 30/05/2010 العمر : 28
| موضوع: رد: مقارنة بين كمبيوتر الولاد وكمبيوتر البنات الثلاثاء 27 يوليو 2010 - 12:10 | |
| بس يا اكوا مارين فى اولاد برده منظمة اكتر من البنات ولا ايه رايك | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الأربعاء 28 يوليو 2010 - 22:17 | |
| منوره يا اكوا وبجد اسعدنى اشتراكك الرائع يا قمر | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الأربعاء 28 يوليو 2010 - 22:27 | |
| منوره يا ملكه وشكرا على رايك يا قمر | |
|
| |
samy Admin
عدد المساهمات : 412 نقاط : 5771 تاريخ التسجيل : 09/04/2010 العمر : 37
| موضوع: رد: مقارنة بين كمبيوتر الولاد وكمبيوتر البنات الثلاثاء 28 سبتمبر 2010 - 21:36 | |
| انا رجعت تانى فين النار انا مش هتكلم عشان ملكه الحركات بس شكرا ليكى | |
|
| |
moon light
عدد المساهمات : 183 نقاط : 5255 تاريخ التسجيل : 16/07/2010 العمر : 34
| موضوع: رد: مقارنة بين كمبيوتر الولاد وكمبيوتر البنات الأربعاء 29 سبتمبر 2010 - 1:27 | |
| تسلمي ع الموضوع ياهانا وفعلا دمه خفيف بس طبعا اي ولد هيزعل منه واي بنت هتفرح بيه طبيعه البشر المدح خير والذم شر بس ياهانا فعلا فيه ولاد مسلمين ومؤمنين يعني الكمبيوتر الخاص بيهم عبارة عن سامي يوسف الشيخ محمد حسان وحسين يعقوب ودي طائفه الاخوان وفيه ولاد زي ماوصفتيهم وفيه يتبع الوسطيه يعني اوك اسمع اغاني بس برده اسمع قرأن احمل افلام جديده والكل بيتفرج عليها نيجي للبنانيت طائفه نفس المبدا قران وشيوخ ونقاب والتزام اللهم اجعلنا منهم وطائفه تانيه زي طائفة الولاد اللي انتي بتوصفيهم بالظبط وتقريبا نفس النسبه واظن انتي لما بتنزلي الشارع بتشوف مناظر رهيبه يعني وطائفه تالته تتبع الوسطيه يعني من الاخر البنت زي الولد وف اختلاف ف طائفه كل واحد تقبلي مروري وطولت عليك ياقمر | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الأحد 3 أكتوبر 2010 - 17:02 | |
| منور يا سامى والله اسعدنا رجوعك للمنتدى ويا رب ديما منوره | |
|
| |
hanna montanna Admin
عدد المساهمات : 566 نقاط : 5774 تاريخ التسجيل : 17/04/2010
| موضوع: رد: مقارنة بين كمبيوتر الولاد وكمبيوتر البنات الأحد 3 أكتوبر 2010 - 17:04 | |
| منوره يا مون وبجد اسعدنى مرورك العطر وشكرا على الرد الجميل بس طبعا الكل عارف ان ده هزار ومنوره يا قمر | |
|
| |
| مقارنة بين كمبيوتر الولاد وكمبيوتر البنات | |
|